வச்சிக்கிறேண்டா, வச்சிக்கிறேன்.. யுவன் ஷங்கர் ராஜா புரொடக்‌ஷன்ஸ் தானே.. சிவா செம டென்ஷன்! | Actor Siva seeks Justice from Yuvan!

0
0

சென்னை: “அகில உலக சூப்பர் ஸ்டார்” (அட நம்ம மிர்ச்சி சிவாதாங்க) கோபமாக யுவன் ஷங்கர் ராஜாவிடம் நியாயம் கேட்கும் வகையில் பேசும் ஒரு கலாய் வீடியோ வைரலாக பரவி வருகிறது.

சி.எஸ்.அமுதன் இயக்கத்தின் மிர்ச்சி சிவா நடித்து வெளியான தமிழ்ப்படம் 2 மிகப்பெரிய வெற்றிப்படமாக ஓடிக்கொண்டிருக்கிறது. இந்த நிலையில் நடிகர் சிவா, யுவன்ஷங்கர் ராஜா பற்றி “கோபமாக” பேசி ஒரு வீடியோ வெளியிட்டுள்ளார்.

அதில் “என்னது பியார் பிரேமா காதல் இன்னும் 9 நாள்ல ரிலீஸா? என்ன வச்சு படம் புரொட்யூஸ் பன்றேன்னு சொல்லிட்டு, என்னையே இத அனவுன்ஸ் பண்ண வேற சொல்றீங்களா…? வச்சிக்கிறேண்டா… வச்சிக்கிறேன்… யுவன் ஷங்கர் ராஜா புரொடக்‌ஷன்ஸ் தானே… ? இன்னும் 9 டேய்ஸ்லதான ரிலீசு? பியார் பிரேமா காதல்…” என்று அந்த விடியோ முடிகிறது.

ஒய்.எஸ்.ஆர். புரொடக்‌ஷன்ஸ் சார்பா யுவன் ஷங்கர் ராஜா தயாரித்திருக்கும் முதல் திரைப்படம் பியார் பிரேமா காதல். பிக்பாஸ் சீசன் 1 ல் கலக்கிய ஹரிஷ் கல்யாண், ரைசா வில்சன் நடித்திருக்கும் இப்படம் ஆகஸ்ட் 10ஆம் தேதி ரிலீஸாக உள்ளது.

பியார் பிரேமா காதல் திரைப்படத்தை எலன் இயக்கியுள்ளார். இப்படத்திற்கு யுவன் இசையமைத்துள்ளார். ரொமாண்டிக் காமெடி படமாக தயாராகியுள்ளது.

கமல்ஹாசனின் விஸ்வரூபம் 2 திரைப்படத்தோட போட்டிபோட்டுக்கொண்டு பியார் பிரேமா காதல் திரைப்படம் ரிலீஸ் ஆவதால், இந்த “அகில உலக சூப்பர் ஸ்டாரை” வைத்து படத்திற்கு புரொமோஷன் செய்துள்ளனர்.