செல்பியில் நீங்கள் அழகாக இருக்க வேண்டுமா..?அதற்கு வழி அழகாக சிரிக்கும் வெண்மை பற்களே…! | 8 Reasons That Are Yellowing Your Teeth

0
0

மவுத்வாஷ்:-

பற்கள் மஞ்சளாக மாற இந்த மவுத்வாஷ் ஒரு காரணம்.பொதுவாக வாயில் வறண்ட நிலை ஏற்பட்டால் பல்லானது மஞ்சள் நிறமாக மாறக்கூடும்.ஏனென்றால் நமது எச்சில் உள்ள தாது உப்புகள்,என்சய்ம்கள், மற்றும் ஆக்சிஜன் மூல பொருட்கள் நமது வாயின் அமில தன்மையை சீரான அளவில் வைக்க உதவுகிறது.இந்த pH அளவை அமிலங்கள் கலந்த மவுத்வாஷ் கெடுத்து விடுகிறது. ஏனென்றால் மவுத்வாஷில் அதிக அமில தன்மை உள்ளது. நமது உடலில் இயல்பாகவே சுரக்கும் எச்சில் பாக்டீரியாகளை நீக்கும் வல்லமை உள்ளது.மேலும் நமது எனாமலையும் உறுதியாக பாதுகாக்கிறது. சிலர் இந்த மவுத்வாஷை வாய் புத்துணர்வுக்காக பயன்படுத்துகின்றனர்.ஆனால் இது வாய் புத்துணர்வோடு சேர்த்து மஞ்சள் பற்களையும் தந்துவிடுகிறது.எனவே,மவுத்வாஷ் போன்றவற்றை தவிர்த்தால் மஞ்சள் பற்கள் வராமல் இருக்கலாம்.

பழங்கள் மற்றும் காய்கறிகள்:-

பழங்கள் மற்றும் காய்கறிகள்:-

பொதுவாகவே பழங்கள் சாப்பிடுவது உடலுக்கு மிகவும் நல்லது.ஆனால் அமில தன்மை அதிகம் உள்ள பழங்கள் சாப்பிட்டால் அஃது நமது பற்களை மஞ்சளாக மற்ற வல்லது. தக்காளி,எலுமிச்சை,ஆரஞ்ச்,அண்ணாச்சி,குளிர் பானங்கள் போன்றவற்றில் அதிகம் சிட்ரிக் அமிலம் உள்ளதால் இது வாயின் pH அளவை சீராக வைக்காது. எனவே, பல் மஞ்சளாக மாறி விடுகிறது.

டீ,காஃபி:-

டீ,காஃபி:-

நம்மில் பலர் டீ,காஃபி குடிப்பதையே மிக பெரிய பழக்கமாக வைத்திருப்பர்.உடல் புத்துணர்ச்சிக்காக அருந்தும் இந்த டீ,காஃபி போன்றவற்றில் எண்ணற்ற அமிலங்கள் இருக்கின்றன. அவை பல்லில் கரை போன்று படிந்து மஞ்சள் நிறத்தை ஏற்படுத்துகிறது.சிலர் டீ,காஃபி போன்றவற்றை மெல்லமாக அருந்துவார்கள்.இப்படி மெல்லமாக அருந்துவதால் அதில் உள்ள அமில தன்மை பற்களில் தங்கி விடும்.ஆதலால் முடிந்தவரையில் டீ,காஃபி போன்றவற்றை விரைவாக குடிக்க பழகுங்கள்.

புகை பழக்கத்தால்:-

புகை பழக்கத்தால்:-

சிக்ரெட்டில் உள்ள நிகோடின் போன்ற நச்சு பொருட்கள் பற்களின் வெண்மை தன்மையை இழக்க செய்யும்.அத்துடன் பல உடல் சார்ந்த உபாதைகளையும் ஏற்படுத்தும்.புகை பிடிப்பதால் பசை நோய், பல் சிதைவு மற்றும் உலர்ந்த வாய் போன்ற பிரச்சனைகளால் பாதிக்கப்படுவர்.அத்துடன் பல்லின் எனாமல் சிதைவு அடைந்து பல் விழும் அளவிற்கும் போகலாம். ஆதலால்,புகை பழக்கத்தை கைவிடுவதே மஞ்சள் நிற பற்களற்ற வாயை பெறுவதற்கான வழி.

மது அருந்துதல்:-

மது அருந்துதல்:-

“மது நாட்டிற்கும்,வீட்டிற்கும் கெடு ” என்பது போன்றே மதுவானது பற்களுக்கும் கேடை தரும்.இதனால் விரைவிலே பற்கள் சிதைவடைந்து மஞ்சளாக காணப்படும்.எனவே முடிந்த வரையில் இந்த மது பழக்கத்தை விட்டுவிட்டால் வெண்மையான பற்களை பெறலாம்.தவிர்க்க முடியாத தருணங்களில் ஸ்ட்ரா போன்ற பொருட்களை கொண்டு இதனை அருந்தினால் சிறிது மஞ்சள் நிறம் உருவாவதை தடுக்கலாம்.

இனிப்பு மற்றும் சாக்லேட்கள் :-

இனிப்பு மற்றும் சாக்லேட்கள் :-

மஞ்சள் நிற பற்கள் வர மிக முக்கிய காரணம் இந்த இனிப்பு மற்றும் சாக்லேட்கள் தான்.அதுவும் குழந்தைகள் இதனை விருப்பத்தோடு அதிகம் உண்பதால் அதில் உள்ள அமிலங்கள் எனாமலை சிதைவடைய செய்து அத்துடன் பற்களில் நிறத்தையும் மஞ்சள் நிறமாக மாற்றுகிறது.மேலும் இரவு நேரத்தில் இனிப்பு மற்றும் சாக்லேட்கள் சாப்பிட்டு தூங்கினால் அவை பல்லில் ஒட்டிக் கொண்டு துர்நாற்றத்தையும் ஏற்படுத்தும்.எனவே கூடிய வரையில் இரவில் இனிப்பு மற்றும் சாக்லேட்கள் சாப்பிடுவதை தவிர்க்க வேண்டும்.

சாப்பிட்ட பிறகு வாய் கொப்பளித்தல் :-

சாப்பிட்ட பிறகு வாய் கொப்பளித்தல் :-

நம்மில் பலருக்கு இந்த வாய் கொப்பளிக்கும் வழக்கமே இல்லை.சாப்பிட்ட பிறகு உணவு பொருட்கள் பாலின் இடுக்குகளில் சிக்கி கொள்ளும். அதனால்,பற்களிலே அந்த சிறு சிறு உணவு பொருட்கள் தங்கி கிருமிகளை உண்டாகும்.அதோடு சேர்த்து பல் சொத்தை,துர்நாற்றம்,மஞ்சள் நிற பற்களும் வந்துவிடும்.ஆதலால்,சாப்பிட்ட பிறகு வாய் கொப்பளித்தல் மிக நன்று.

அவசரமாக பல் துலக்குதல்:-

அவசரமாக பல் துலக்குதல்:-

அவசர வாழ்க்கை முறையில் நாம் நமது பற்களை கூட சரியாக துலக்குவதில்லை.அதனால் நமது பற்களும் அவசர அவசரமாக விழுந்தும் விடுகின்றன.பற்கலின் எனாமல் சீக்கிரமாக கெடுவதற்கு இதுவும் ஒரு காரணமே…! மேலும் அழுத்தி பிடித்து பற்களை துலக்கினால் அதன் எனாமல் விரைவிலேயே தேந்து விடும்.ஆதலால் ,நன்கு பற்களை துலக்க பழக வேண்டும்.தினமும் 2 வேலை பல் துலக்கினால் நீண்ட நாட்கள் அழகான,வெண்மையான பற்களுடன் மகிழ்ச்சியாக வாழலாம்.